Jan 8, 2009

மண் வாசம்


கயிற்றுக்கட்டிலில் படுத்துறங்கி
வேப்பங்குச்சியில் பல்துலக்கி
கம்மங்கூழ் குடித்து
கிணத்துப் படிக்கட்டில்
தண்ணீர் மொண்டு குளித்து
புளியமரத்தடியில் சொக்கட்டான் ஆடி
திருட்டு மாங்காய் அடித்து
ஆடு மேய்த்து
ஊர் மந்தையில் சடுகுடு ஜெயித்து
புழுதியோடு புழுதியாய்
உருண்டு பிறண்டு
கூட்டாஞ்சோறும் பிள்ளைப் பொங்கலும் கொண்டாடி
தாத்தன் கை பிடித்து
மரம் நட்டு தண்ணீர் ஊற்றி வளரத்(ந்)த சுகம்
இன்று...
இட்லி தோசை எல்லாம் மாறி
பிட்ஸா என்று ஒன்றைத் தின்று
காக்காய் குளியல் குளித்து
காசு சம்பாதிக்கும்
இயந்திரமாய் மாறிப்போன வாழ்வில்
எட்டாக்கனியாயும் பகல் கனவாகவும்
என் முன்னால் கொக்காணி காட்டி சிரிக்கின்றன
என்ன சாதித்தாய் என்று

1 comment:

selva said...

Nice one.... I enjoyed reading this... I could remember my past too...

All these words are applicable to me too...

Thanks for all these nice collection....!!

Post a Comment