Mar 7, 2014

இரவுப்பயணம்

கவிழக் காத்திருக்கும்
இரவுக்குள்
அடங்கியிருக்கும்
எதிர்பார்ப்புகள்
ஊடலும் கூடலும்
கூடல் நிமித்தமான ஊடலுமாய்!!!

முன்னிரவின்
இதழ் ஒற்றலில்
துவங்கி
பின்னிரவின்
இமை ஓரத்துக்
கண்ணீரென

இடைப்பட்ட 
பயணத்தின்
நினைவுகள் யாவும்
தூரத்துத்
தேநீர் கடையில்
ஒலிக்கும்
நடுநிசி
இசைக்கோப்புகளின்
பல பல்லவிகளில்
இடைச்சொருகலாய்














நீண்ட நெடும் 
இரவுப்பயணத்தின்
ஒப்பந்தங்கள் யாவும்
முத்தங்கள் கொண்டே 
கையெழுத்தாகின்றன..

வரவு செலவுக்
கணக்கில்
காதல் மிகுந்த 
காமமும் 
காமம் மிகுந்த 
காதலும்!!!

3 comments:

இராஜராஜேஸ்வரி said...

கவித்துவம்
கவியும்
கவிதை..!

வருண் said...

என் விமர்சனத்துக்கு அப்பாற்பட்ட கவிதை இதுனு நெனைக்கிறேன், நிலா. :)

இப்படியும் ஒரு பின்னூட்டம் இடலாம்! :)

nila said...

நன்றி இராஜராஜேஸ்வரி

நன்றி வருண் :) :)

Post a Comment